முஸ்லிம்களின் ஓட்டை தீர்மானிக்கும் TNTJ வின் அவசர மாநிலச செயற்குழு சென்னை டி நகர் இன்ஷா அல்லாஹ் வரும் 6-3-11 அன்று கூடுகின்றது.
இடம் – வேங்கடேஸ்வரா விவாஹ மஹால், பாண்டி பசார் காவல் நிலையம் பின்புறம். டி நகர் சென்னை.
நேரம் – காலை 10 மணி
நாள் – 6-3-11
http://www.tntj.net/
------------------------------------------------------------------------------------------------

வரும் சட்ட மன்ற தேர்தலை முன்னிட்டு த த ஜ சென்னையில் அவசர கூட்டத்தைக் கூட்டி,விவாதிக்க உள்ளது.இந்த நேரத்தில் அதன் தலைவர்,சகோதரர் பீ.ஜைனுல் ஆபிதீன் அவர்களுக்கு ஒரு அன்பான வேண்டுகோள்.

அரசியல் வெற்றிடத்தை தற்போது தமிழகத்தைப் பொறுத்தவரை ம ம க,இந்தியன் யூனியன் முஸ்லிம் லீக்,தேசிய லீக் போன்ற கட்சிகள் மட்டுமே நிரப்பி வருகின்றன.இந்த சூழ்நிலையில் அந்தக் கட்சிகளின் சார்பாக போட்டியிடும் நம் முஸ்லிம் சகோதரர்களுக்காக தங்கள் இயக்கம் ஆதரவு தெரிவித்து வாக்கு சேகரிக்கவேண்டும்.
சில சூழ்நிலையின் பேரில்,நபிகள் நாயகம் ஸல் அவர்கள் யூதர்களுடன் ஒப்பந்தம் செய்துள்ளனர்.
நாம் நம் மார்க்க சகோதரர்களிடம் அழகிய ஒப்பந்தம் போடலாம் அல்லவா?
நம்மை அழிக்க என்னும் பா ஜ க போன்ற கட்சிகளுக்கு நாம் மறைமுகமாக உதவக்கூடாது.

நாம் தி மு க,அதிமுக ,காங்கிரஸ்,மற்றும் எந்தக் கட்சியை ஆதரித்தாலும் அவர்கள் நம் பிரச்னையை பேச மாட்டார்கள்.மாறாக நாம்தான்,நம் முஸ்லிம் வேட்பாளர்தான் வெற்றி பெற்றால் சட்டசபை சென்று பேசமுடியும்.நமக்கென குறைந்தது ஐந்து சட்ட மன்ற உறுப்பினர்கள் இருந்தார்கள் எனில் சட்ட சபையை நம் சமுதாய பிரச்சனைகள் பற்றி கவனம் செலுத்தி பேசும் அளவுக்கு கொண்டு சென்று இன்ஷா அல்லாஹ் சாதிக்க இயலும்.

நம்மிடையே என்னதான் பிரச்சனைகள் என்றாலும்,தங்கள் இயக்கம் ஒரு குழு அமைத்து ம ம க,முஸ்லிம் லீக்,தேசிய லீக் போன்ற கட்சிகளிடம் ஒரு ஒப்பந்தம் செய்து கொண்டு,நம் பிரச்சனைகள் என்னென்ன இருக்கிறது,அவற்றை களைய நாம் செய்ய வேண்டியது என்ன,நீங்கள் வெற்றி பெற்றால் இப்படி செய்யவேண்டும்,நமக்குள் எவ்வித சண்டை,சச்சரவு எதுவும் இல்லாமல் சமுதாய நலன் மட்டுமே கருத்தில் கொண்டு செயல்படுவோம் போன்ற கோரிக்கைகள் வைத்து,ஒப்பந்தம் போட்டு,இந்த சமுதாயத்தின்,அல்லாஹ்வின் மார்க்கம் தழைத்தோங்கவும்,நபிகள் நாயகம் ஸல் அவர்களின் உம்மத் இன்னும் வளம் பெறவும் சேர்ந்து களப்பணி ஆற்றலாம் அல்லவா?

தமிழகத்தைப் பொறுத்தவரை லட்சக்கணக்கான மக்கள் த த ஜவில் இருக்கிறார்கள்.அதன் தலைவராக நீங்கள் இருக்கிறீர்கள்.இது ஒரு நல்ல சந்தர்ப்பம்.சமுதாயம் ஒன்றுபட இனிய தருணம்.அல்லாஹ்விடம் கூலி வேண்டி - என்னைப்போன்ற லட்சக்கணக்கான மக்களின் உள்ளக் கிடக்கையை வெளிப்படுத்தியுள்ளேன்.
தயவு செய்து,எல்லா முஸ்லிம் இயக்கங்களும், கட்சிகளும் ஒன்றிணைந்து ஒரே குரலில் பாடுபடுவோம்,நமக்கு எதிரான சதியை இன்ஷா அல்லாஹ் முறியடிப்போம்.
எனவே,தாங்கள் கூட்டும் இந்த அவசர கூட்டத்தில் நல்லதொரு முடிவெடுக்கும்படி அன்போடு வேண்டும் உங்கள் மார்க்க சகோதரன்.

ஷ‌ம்சுல் இஸ்லாம் ச‌ங்க‌ நிர்வாகிக‌ள் தேர்வு ச‌ம்ப‌ந்த‌மாக‌ மேற்க‌ண்ட‌ நேர்காண‌லை ப‌திந்துள்ளோம். என‌வே வாச‌க‌ர்க‌ள் த‌ங்க‌ள‌து மேலான‌ க‌ருத்துக்க‌ளை பின்னூட்ட‌ம் மூல‌ம் ப‌திய‌ அதிரைஎக்ஸ்பிர‌ஸ் கேட்டுகொள்கிறது.

தமிழகத்தின் தலைசிறந்த பேச்சாளர்களில் ஒருவரும் பேராசிரியருமான முனைவர் பெரியார் தாசன் இஸ்லாத்தைத் தனது வாழ்வியல் நெறியாக ஏற்றுக் கொண்டார். அவர் இனி தனது பெயர் அப்துல்லாஹ் என்று அறிவித்தார்.

சென்னை பச்சையப்பன் கல்லூரியில் நீண்டக் காலம் தத்துவ இயல் பேராசிரியராக பணியாற்றி ஒய்வுப் பெற்றவர் பேராசிரியர் பெரியார் தாசன். திராவிடர் கழகத்தின் கொள்கையால் ஈர்க்கப்பட்டு நாத்திகராக வாழ்ந்த இவர் தனது இயற்பெயரான சேசாசலத்தை பெரியார்தாசன் என்று மாற்றிக் கொண்டார். சிறந்த மேடைப் பேச்சாளரான இவர் சிசுக் கொலைகள் குறித்த திரைப்படமான கருத்தம்மாவில் நடித்துள்ளார்.பல தொலைக்காட்சி நிகழ்ச்சிகளில் பங்குக் கொண்டு மக்களின் அபிமானத்தைப் பெற்றவர்.

சவூதி அரேபியாவின் தலைநகரான ரியாதிற்கு சென்ற வாரம் வருகை தந்த பெரியார் தாசன் அங்கு வைத்து இஸ்லாத்தைத் தழுவினார். நேற்று (மார்ச் 12) அன்று ரியாதில் நடைபெற்ற செய்தியாளர் சந்திப்பில் தான் இஸ்லாத்தைத் தழுவியதை அவர் பகிரங்கமாக அறிவித்தார். தான் பல மதங்களையும் ஆய்வு செய்ததாகவும் அம்மதங்களின் வேதங்கள் நேரடியாக இறைவனிடமிருந்து அருளப்படவில்லை என்றும் திருக்குர்ஆன் இறைவனிடமிருந்து அருளப்பட்ட வடிவில் இன்றும் பாதுகாப்பாக இருப்பதாகவும் அவர் தெரிவித்தார். நான் ஊரறிந்த நாத்திகனாக இருந்தேன். பிறகு மத நம்பிக்கை தான் இவ்வுலக மற்றும் மறுவுலக வாழ்விற்கு உகந்தது என்று உணர்ந்தேன். இந்த தேடல் என்னை இஸ்லாத்திற்கு அழைத்து வந்தது என்றும் அவர் ரியாதில் செய்தியாளர்களிடம் தெரிவித்தார்.

சனிக்கிழமை (மார்ச் 13) அன்று அவர் புனிதமக்கா சென்று உம்ரா நிறைவேற்றுகிறார்.

பெரியார் தாசன் தனது இஸ்லாத்தை தனது வாழ்வியலாக ஏற்றுக்கொண்ட செய்தி அறிந்து ரியாதில் இருந்த அவரிடம் தமுமுக தலைவர் பேரா.எம்.ஹெச். ஜவாஹிருல்லாஹ் தொலைப்பேசியில் தொடர்பு கொண்டு வாழ்த்து தெரிவித்தார். அப்போது பத்தாண்டுகளாக தனது உள்ளத்தில் ஏற்பட்ட முடிவை இப்போது தான் நிறைவேற்ற முடிந்தது என்று பெரியார் தாசன் குறிப்பிட்டார்.

ரியாதில் எமது சிறப்பு செய்தியாளருக்கு டாக்டர் அப்துல்லாஹ் (பெரியார்தாசன்) அளித்த பேட்டியை இன்ஷா அல்லாஹ் விரைவில் எமது இணைத்தளத்தில் பார்க்கலாம்.

COURTESY TMMK.IN

"குடியும் போதையும் குடும்பத்திற்கு இழுக்கு
டாஸ்மார்க் கடைகள் தமிழ்நாட்டிற்கு அழுக்கு"



என்ற முழ்க்கத்தோடு 07032010 அன்று மாலை சுமார் 4:30 மணியளவில் அதிரை பழைய போஸ்ட் ஆபிஸ் முக்கத்திலிருந்து துவங்கிய மனித நேய மக்கள் கட்சியின் மதுக்கடை மறியல் போரை ம.ம.க வின் மாவட்டப் பொருளாளர் உ.செய்யது அவர்கள் தலைமையேற்று நடத்தினார். அதிரை தொண்டரணி பொருப்பாளர் முக்தார் வரவேற்றார், நகர த.மு.மு.க, ம.ம.க நிர்வாகிகள் முன்னிலை வகித்தனர். துவக்கவுரையாற்றிய நகர பிரமுகர் அதிரை அன்வர் அவர்கள் எல்லா தீமைகளுக்கும் அடிப்படையானது மது அருந்தலே என்றும் மதுவிலக்கை நபிகள் நாயகம்(ஸல்) அவர்கள் வலியுறுத்தினார்கள் என்றும் நபிகளாரின் பொன்மொழிகளை நினைவுப்படுத்தினார். குரளோவியம் எழுதி திருவள்ளுவர் பெயரால் விருதுகளை பெறும் கலைருக்கு, திருக்குறளிள் "கல் உண்ணாமை" என்ற அதிகாரம் மறந்து விட்டதா என கேள்வி எழுப்பினர்ர். கொலை, கற்பழிப்பு மற்றும் சமூக தீமைகளுக்கு அடிப்படையானது மது அருந்துதலே என்பதை விளக்கிய அவர், இந்த சமூக தீமைகளுக்கு எதிராக போராடுவது நம் அனைவரின் மீதும் கடமை என்று கூறி தனது துவக்கவுரையை நிறைவு செய்தார்.



அதைத்தொடர்ந்து மதுக்கடைக்களுக்கு எதிரான கோசங்களுடன் ம.ம.க. வினர் பேரணியாக சென்றனர். பேருந்து நிலையம் அருகே மமக வின் செயற்குழு உறுப்பினர் யாசின் அவர்கள் கண்டன் உரையாற்றினார். முன்பெல்லாம் கல்வி நிறுவனங்கள், மருத்துவமனைகளை அரசு ஏற்று நடத்தியது, ஆனால் இப்போது கல்வி நிறுவங்கள், மருத்துவமனைகள் தனியார்
மயமாகிக்கொண்டிருக்கின்றன. சாராயக்கடைகளை அரசு ஏற்று நடத்திக்கொண்டிருக்கிறது என்று குறிப்பிட்ட அவர் மக்கள் கூடும் இடங்களான கல்வி நிறுவனங்கள், மருத்துவமனைகள், வழிபாட்டுத்தலங்கள் உள்ள இடங்களில் டாஸ்மார்க் கடைகளை திறந்து
மக்களை துன்புறுத்துவதாக குற்றம் சாட்டினார்.

டாஸ்மார்க் கடைகளை தமிழ்நாட்டில் அறிமுகப்படுத்தியவர் செல்வி. ஜெயலலிதா என்று குறிப்பிட்ட அவர், ஜெயலலிதா ஆட்சியின்போது, டாஸ்மார் கடைகளுக்கு எதிராக திமுக வினர் நடத்திய ஆர்ப்பாட்டங்களையும், சட்டமன்றத்தில் பேசியதையும் நினைவுபடுத்தி திமுக வின் முரண்பட்ட நிலைப்பாட்டை சுட்டிக்காட்டினார். மமக வின் சார்பில் முதல்வர் கலைர் அவர்களிடம் மனு கொடுத்தபோது அரசின் வருமானங்களில் (1/4) நான்கில் ஒரு பங்கு டாஸ்மார்க்கிலிருந்துதான் வருகின்றது என்று சொன்ன கலைரின் அக்கரையற்ற பதிலை குறிப்பிட்டார். தமிழகத்தின் 64 மையங்களில நடைபெறும் இந்த மறியல் போர், முதல்
கட்ட அறப்போட்டமே, பூரண மதுவிலக்கு அமலாகும் வரை மமக வின் தொடர் போராட்டம் ஓயாது என்று கூறி தனது கண்டன் உரையை நிறைவு செய்தார்.



மறியல் போராட்டத்தில் கலந்து கொண்டவர்களை காவல் துறையினர் கைது செய்தனர். போராட்டத்தில் ஏராளமானோர் கலந்து கொண்டனர். இதில் 18 வயது பூர்த்தியடையாத சிறுவர்கள் பலர் கலந்து கொண்டது குறிப்பிடத்தக்கது. ஆனால் அவர்கள் கைது செய்யப்படாமல் விடுக்கப்பட்டனர். கைது செய்யப்பட்ட மமக வினர் அனைவரும் பின்னர் விடுவிக்கப்பட்டனர். கடந்த சில மாதங்களுக்கு முன் அதிரையில் குப்பைகளை அகற்றாமல்
பன்றிகள், கொசுக்களை கட்டுப்படுத்தாமல் அவற்றின் மூலம் பரவும் நோய்களிலிருந்தும், தொல்லைகளிலிருந்தும் மக்களை பாதுக்காக்கத்தவறிய அதிரை பேரூராட்சி நிர்வாகத்தை கண்டித்தும் மேலும் நிர்வாகத்தின் அலட்சியப்போக்கு தொடராமல், சுகாதார பணிகளை விரைவுப்படுத்தக்கோரி எச்சரிக்கும் வண்ணம் நடந்த ஆர்ப்பாட்டத்தின் விளைவாக ஓரளவேனும் சுகாதார பணிகள் துரிதமாக நடைப்பெற்றன(இதனால் மமக விற்கு மக்கள் மத்தியில் பாரட்டுக்கள் கிடைத்தன) என்றாலும் கூட இப்போது நிகழ்ந்த மதுக்கடை
மறியல் போரால் குறிப்பிடத்தக்க விளைவுகள் ஏற்படப் போவதில்லை. ஏனென்றால் நம்மை ஆளுகின்ற திமுகவானது முன்பு மதுவிலக்குக் கொள்கைக்கு ஆதரவானது, மதுவிலக்குக்காக அரும்பெரும் தியாகங்கள் செய்த தந்தை பெரியார் வழிவந்து, பூரண மதுவிலக்கை விரும்பிய
அறிர் அண்ணா அவர்களை தலைவராக பெற்றிருந்த கட்சிதான். என்றாலும் அன்று கொள்கை நம்மை ஆள முற்பட்டன ஆனால் இன்று குடும்பம் நம்மை ஆள முற்படுகிறது என்கின்றனர் மக்களில் சிலர். இன்னும் சிலரோ, திமுக அல்லி வீசும் கவர்ச்சித்திட்டங்களுக்கு காசு
பார்க்கத்தான் மதுவிலக்கு கொள்கைக்கு முரணாக மதுக்கடைகளை நடத்துகிறார்கள் என்கின்றனர்.

எது எப்படியாயினும் தமிழகத்தின் வளர்ச்சித்திட்டங்களுக்கான வருவாயை நல்ல வழியில் பெருக்குவதற்கு அரசு முனைப்பு காட்ட வேண்டும். பல பேர் தாலியை அறுத்து, சில பேர்
பகட்டாக வாழ்வது நம் தமிழ் பண்பாட்டிற்கு இழுக்கானது இதை உணர்ந்து நம் அரசு தம் சிந்தனையில் மாற்றத்தை கொண்டு வராததை மமக வின் மதுவிலக்கு போராட்டமெல்லாம்
செவிடன் காதில் ஊதிய சங்குகளாய்த்தான் ஒலித்துக்கொண்டிருக்கும்.

அதிரை எக்ஸ்பிரஸ்ஸின் "உள்ளூர் நிழ்வுகள்" பகுதிக்காக
போராட்டக்களத்திலிருந்து அதிரை எம்.ஆர்(முஜிபுர் ரகுமான்)

நபிமார்களுக்குப் பிறகு அவர்களின் சீரிய தெண்டுகளை அவ்லியாக்கள் என்னும் அல்லாஹ்வின நேசர்கள் செய்தார்கள். அறியாமை இருளில் மூழ்கிக் கிடற்த சமுதாயத்தைத் தட்டி எழுப்பினார்கள். இவர்களின் உயரிய போதனைகளால் உறங்கிக் கிடந்த சமுதாயம் உணர்வு பெற்றது. இந்தியா போன்ற நாடுகளில் மக்கள் எழுச்சி பெற்றனர். ஏராளமானோர் நேர் வழி பெற்றனர்.அதற்காக அவ்லியாக்கள் என்னும் அந்த இறை நேசச் செல்வர்களை நாம் போற்ற வேண்டும். கண்ணியப் படுத்த வேண்டும்.

அவர்களைப் போற்றுவது கண்ணியப்படுத்துவது என்பதெல்லாம், அவர்கள் வாழ்ந்த முறைப்படி நாமும் வாழ்வதும், அவர்கள் பேணி நடந்த நபி வழியை நாமும் பேணி நடப்பதும் தான்.அதை விட்டு விட்டு அவர்களின் கப்ருகளின் மீது கட்டடம் கட்டி, கந்தூரி என்ற பெயரில் ஆண்டு தோறும் கல்லறைகளுக்கு விழா எடுப்பதும், அர்ச்சனையும் ஆராதனையும் செய்வதும், நேர்ச்சை என்ற பெயரில் சமாதிகளை நாடிச் சென்று முடி எடுப்பதும், காணிக்கை செலுத்துவதும், உரூஸ் என்ற பெயரில் பாட்டுக் கச்சேரியும் பரத்தையர் நாட்டியமும் நடத்தி கண்டு களிப்பதும், சந்தனக் கூடு என்ற பெயரில் சமாதிகளுக்கு சந்தனத்தில் அபிஷேகம் செய்வதும், இவைகள் யாவுமே அந்த இறை நேசர்களை கேவலப் படுத்தும் செயல்களே தவிர கண்ணியப்படுத்தும் செயல்கள் அல்ல.
'எனது கப்ரைத் திரு விழா நடத்தும் இடமாக ஆக்கி விடாதீர்கள்' என்று அண்ணல் நபி (ஸல்) அவர்கள் எச்சரிக்கிறார்கள்.

(அறிவிப்பவர்: அபூ ஹூரைரா (ரலி) ஆதாரம்: அஹ்மத், அபூதாவூத்)
அண்ணல் நபி (ஸல்) அவர்களின் அடக்கஸ்தலத்திலேயே விழா நடத்துவது கூடாது என்றிருக்க -அவ்லியாக்களின் கப்ருகளில் ஆண்டு தோறும் விழா நடத்துவது எவ்வளவு பெரிய பாவம் என்பதை உணர வேண்டும்.

அவ்லியாக்களின் சமாதிகளுக்குப் பூமாலை போடுவதும், போர்வை வாங்கிப் போர்த்துவதும், உண்டியலில் காணிக்கை போடுவதும், பாவச் செயல்களில் உள்ளவை.பூமாலையாலும் போர்வையாலும் அந்தப் புனிதர்களுக்கு என்ன பிரயோஜனம்? உண்டியலில் போடும் காணிக்கையால் அந்த உத்தமர்களுக்கு என்ன பயன்? இறை நேசர்கள் பெயரால் இடைத் தரகர்கள் அல்லவா கொள்ளை அடிக்கிறார்கள்?

யூதர்களையும் கிறிஸ்தவர்களையும் அல்லாஹ் சபிப்பானாக. அவர்கள் தங்கள் நபிமார்களின் கப்ருகளை வணக்கஸ்தலங்களாக்கி விட்டனர். அறிவிப்பவர்: அபூஹூiரா(ரலி) ஆதாரம் : முஸ்லிம்) நபிமார்களின் கப்ருகளை வணக்கஸ்தலங்கள் ஆக்கி விட்டவர்களை அல்லாஹ்வின் தூதர் (ஸல்) அவர்கள் சபித்திருக்க, அவ்லியாக்களின் கப்ருகளை வணங்குமிடமாக ஆக்குவது எவ்வளவு பெரிய பாவம்?

பெண்கள் கப்ருஸ்தான்களுக்குச் செல்வதை பெருமானார் (ஸல்) அவர்கள் வன்மையாகக் கண்டிக்கிறார்கள். தர்காக்களுக்குப் பெண்கள் அறவே செல்லக் கூடாது.ஏனெனில் தர்காக்களும் கப்ருஸ்தான்கள் தான்.

கப்ருகளை ஸியாரத் செய்யும் பெண்களை நபி (ஸல்) அவர்கள் சபித்தனர். (அறிவிப்பவர்: அபூ ஹூரைரா(ரலி) ஆதாரம்: அஹ்மத், திர்மிதி)

தர்காக்களுக்குச் செல்லும் பெண்கள் சபிக்கப் பட்டவர்கள். தம் குடும்பப் பெண்களை தர்காக்களுக்கு அழைத்துச் செல்லும் ஆண்கள் மாபெரும் குற்றவாளிகள் என்பதில் சந்தேகமில்லை.

அல்லாஹ் கூறுகின்றான்: எவர்கள் அல்லாஹ்வையும், அவனது தூதரையும் விசுவாசங்கொண்டோர்களையும், (தங்களின்) தோழர்களாக எடுத்துக்கொண்டார்களோ நிச்சயமாக அவர்கள்தான் வெற்றிபெற்ற அல்லாஹ்வின் கூட்டத்தினர். (அல்குர் ஆன் : அல்மாயிதா 5:56)

நடுத்தெருவை சார்ந்த மரியம்மா சாகுல் ஹமீத் அவர்களின் மனைவியும். சாதிக் தவ்பிக் இவர்களின் தாயரும் அஹமது ஹாஜா அவர்களின் மாமியாருமான இன்று மதியம் 2௨மணியளவில் காலமாகிவிட்டார்கள் இன்னா... அன்னாரின் ஜனாசா அவர்களது நடுத்தெரு இல்லத்தில் வைக்கப்பட்டுள்ளது.( ஜனஷாவின் நல்லடக்கம் பின்னர் அறிவிக்கப்படும் ) இவர் சமிப காலமாக உடல் நலக்குறைவால் மிகவும் அவதியுற்றார். இவர் நல்ல பல சமுதாயக்காரியங்களில் ஈடுபட்டும் ஏழைகுமர் திருமணத்திற்க்கும் உதவி செய்துவந்தார் என்பது குறிப்பிடத்தக்கது.அல்லாஹ் இவருக்கு ஆகிரத்து நல் வாழ்க்கைக்கு துஆசெய்ய வேண்டுகிறோம்.

இஸ்லாம் அல்லாத மக்களுக்காக உலகம் முழுதும் சென்று,இஸ்லாத்தின் செய்தியை எத்தி வைத்து வரும் சகோதரர் டாக்டர் ஜாகிர் நாயக் அவர்கள்,இன்ஷா அல்லாஹ்,வரும் ஜனவரி பதினேழாம் தேதி,சனிக்கிழமை,பதினெட்டாம் தேதி ஞாயிற்றுக்கிழமையும் (JANUARY 17TH AND 18TH 2009 ) சென்னையில் உரையாற்ற இருக்கிறார்கள்.

சென்னையில் கிழக்கு கடற்கரை சாலையில்,ஈஞ்சம்பாக்கத்தில் அமைந்துள்ள இஸ்லாமிக் இண்டெர்நேஷனல் பள்ளி வளாகத்தில்,மாலை ஆறு மணி அளவில் நடைபெற உள்ளது.(ஒரு கிலோ மீட்டர் தூரத்தில் வீ ஜி பி கோல்டன் பீச் அமைந்துள்ளது.

எல்லா மத மக்களும் வரவேற்கப்படுகிறார்கள், அனுமதி இலவசம்.பெண்களுக்கு தனி இட வசதி ஏற்பாடு செய்யப்பட்டுள்ளது.

மேலதிக விவரம் வேண்டுவோர் கீழ்காணும் முகவரியில் தொடர்புகொள்ளவும்.
IRF CHENNAI,TEL: 42148804/05, EMAIL: IRFCHENNAI@GMAIL.COM

சகோதரர்களே,
உங்கள் மாற்று மத நண்பர்களையும் அழைத்து செல்லுங்கள்!
தூய மார்க்கத்தை எடுத்து சொல்லுங்கள்!!
அல்லாஹ்விடம் நற்கூலி வெல்லுங்கள்!!!

Adirai Youth development Association - AYDA-Jeddah வின் மாதாந்திர கூட்டம் 09- 01- 2009 அன்று வெள்ளி மாலை 5 மணியளவில் சகோதரர் தமீம் அவர்கள் இல்லத்தில் நடைபெற்றது.

அது சமயம் ஊர் நடப்புகள், சென்னையில் நடைப்பெற்ற வெளிநாடு வாழ் இந்தியர்களின் மாநாடு, காஸாவில் இஸ்ரேல் நடத்தும் இனப்படுகொலைகள் மற்றும் இலங்கை பிரச்சினை பற்றி ஆலோசிக்கப்பட்டது.

பின்னர் அய்டாவின் புதிய பொறுப்புதாரிகளை தேர்ந்தெடுப்பதற்காக தேர்தல் நடைபெற்றது. அது சமயம் தலைவர் ரஃபி அகமது கேட்டுகொண்டதின் படி மூத்த உறுப்பினர் பசீர் காக்கா அவர்கள் தலைமையில் தேர்தல் நடைப்பெற்றது. அதிகப்படியான வாக்குகள் பெற்று பின்வரும் உறுப்பினர்கள் தேர்ந்தெடுக்கப்பட்டார்கள்.

தலைவர்: M. ரஃபியா
துணைத்தலைவர்: ஹாஜி M. முகைதீன்
செயலாளர்: A. J. தாஜீத்தீன்
துணைச்செயளாளர் S. அப்துல் காதர் - ஜெய்லானி
பொருளாளர்: H. அப்துல் அஜீஸ்
துணைப்பொருளாளர். A. ஜஃபருல்லா

பணி மூப்பு பெற்று தயாகம் திரும்ப இருக்கின்ற பசீர் காக்கா அவர்களை மூன்று மாதங்களுக்கு தலைமை ஏற்று கொள்ளுமாறு தலைவர் ரஃபி அகமது கேட்டு சம்மதம் பெற்றது அங்கத்தினர் அனைவரையும் நெக்குறச்செய்தது. பின்னர் அய்டாவின் சேவை மேன்மேலும் தொடர அனைவரின் துவாவுடன் கூட்டம் இனிதே நிறைவு பெற்றது.